Актерот Милош Биковиќ заедно со сопругата Ивана Малиќ и нивниот син Василије престојува на Алпите, од каде што редовно споделуваат делови од своето секојдневие.
Ивана е мошне активна на социјалните мрежи и преку фотографии им овозможува на следбениците да ѕирнат во нивната семејна зимска бајка.
На една од објавените фотографии, Ивана позира во црни, тесни хеланки и бел џемпер, со очила за сонце, додека зад неа се простира спектакуларен снежен пејзаж.
Следуваат кадри од тераса на ресторан со поглед кон планинските врвови покриени со снег, кои дополнително ја нагласуваат идиличната атмосфера.
Нема сомнеж дека малиот Василије ужива во зимските радости. Иако Ивана и овој пат не го открива неговото лице, на фотографиите се гледа дека е дел од сите семејни моменти.
На една од последните објави, Милош го држи синот прилепен до градите, покрај камин, сцена што зрачи со мир, топлина и блискост.
Милош Биковиќ неодамна зборуваше за тоа колку татковството му го променило животот. Тој истакна дека ништо не може да се спореди со чувството кога го држиш своето дете во раце.
„Кога ќе добиете дете и ќе ја почувствувате таа мала искра на живот во рацете, не постои проект што може да ви донесе поголема среќа. Работата продолжува, ќе продолжам да снимам, но ништо не може да се спореди со она што ми се случи со раѓањето на синот“, изјави актерот, додавајќи дека со татковството природно се менуваат и приоритетите.
