Српската пејачка Марија Шерифовиќ денеска го слави вториот роденден на својот син Марио. Музичката ѕвезда, која го доби момчето со помош на сурогат-мајка, објави неколку фотографии и видеа на социјалните мрежи, придружени со емотивна порака која разнежи многумина.
Шерифовиќ сподели кратко видео на кое Марио весело удира по тапани, а неговото лице, традиционално, повторно е покриено со препознатливиот емотикон хамбургер. Веќе две години пејачката упорно го чува неговиот идентитет далеку од јавноста, одлука која добива широка поддршка од нејзините следбеници.
Во продолжение, Шерифовиќ објави и заедничка фотографија, а покрај неа напиша емотивна роденденска порака.
„Сине мој, моја радост најголема.
Денес славиме заедно. Го славиме твоето животче и мојот втор роденден откако бев избрана да бидам баш јас твоја мајка.
Мое меко русо момче, колку многу ни ги промени животите на сите. Колку многу ти, таков мал и ситен, нè учиш на сè.
Ти благодарам што дојде кај мене, за да ме научиш да живеам повторно. Среќен роденден Марио“, напиша Шерифовиќ.
Роденденските објави повторно го отворија прашањето колку мајчинството ја преобрази познатата пејачка. Фановите често коментираат дека Шерифовиќ никогаш не изгледала попосвртена, поспокојна и поповрзана со себе, а самиот Марио е нејзиното најголемо животно достигнување.
