Стефан Живојиновиќ (31), најстариот син на пејачката Лепа Брена (62) и Боба Живојиновиќ (59) го прослави својот 31 роденден, а на семејната фотографија позираше со малку подолга коса и брада. Тој повеќе не се занимава со музика и целосно се повлече од сцената, а ретко се гледа во јавноста.
Пред неколку години градеше пејачка кариера, но потоа наеднаш се повлече од јавноста пред повеќе од три години. Оттогаш ретко се појавува, а не е ни активен на социјалните мрежи.
Но, сега неговиот помлад брат Виктор објави заедничка фотографија на која се гледа дека Стефан целосно го променил својот имиџ.
– Ја поддржавме неговата одлука повеќе да не се занимава со музика. Ако сме способни да прифатиме туѓи одлуки, зошто да не ги прифатиме и одлуките на нашите деца? Важно ми е нашите деца да се среќни, а што ќе направат е прашање на нивниот избор, кој јас и Боба секогаш го поддржуваме – изјави во една прилика мајката Лепа Брена.
Инаку, додека Стефан бил уште дете, Брена доживеала голема траума кога го киднапирале од семејната куќа на Бежанијска коса во Белград.
View this post on Instagram
Киднаперите од пејачката и нејзиниот сопруг побарале откуп од два ипол милиони германски марки. Семејството никогаш не го пријавило киднапирањето, ниту пак се дознало кој е виновен.
-Од тој ден ништо не ми е исто… Сите киднапирања се откриени, освен она на моето дете. Но, јас сум жена која повеќе не се плаши од ништо – изјави тогаш таа.
