48-годишниот американски актер и режисер Бредли Купер, кој моментално е зафатен со промоција на неговиот филм „Маестро“, ја донесе својата шестгодишна ќерка од супермоделот Ирина Шајк, Леа, за прв пат на црвениот тепих на премиерата во Лос Анџелес. Таа играше мала улога во филмот.
Bradley Cooper and Lea at the premiere of Maestro in Los Angeles. pic.twitter.com/LtXZTGnse6
— 21 (@21metgala) December 13, 2023
Леа изгледаше гламурозно во фустан со леопард принт на Долче и Габана и блескави златни балетанки. Нејзиниот изглед беше комплетиран со црвено-црна чантичка која ја носеше преку рамо и црвен маникир.
Девојчето им се насмевна на фотографите и очигледно се чувствуваше самоуверено држејќи го за рака својот познат татко. Присутните забележале дека таа е многу слична на Бредли, особено со сините очи и насмевката.
Купер за премиерата се дотера во темно син троделен костум, бела кошула и црна вратоврска во комбинација со црни чевли.
Според IMDb, Леа се појавува во филмот како помлада верзија на ликот на Маја Хоук Џејми Бернштајн.
Lady Gaga at the special screening of Bradley Cooper’s Maestro tonight in LA. Helloooooo ASIB reunion. https://t.co/jiZo4dN4aQ
— Jazz Tangcay (@jazzt) December 13, 2023
Ирина Шајк не беше на настанот. Сепак, таа го поддржа таткото на нејзината ќерка со објава на социјалните мрежи, прикачувајќи фотографии и видеа на „стори“. На фотографијата е црно-бел промотивен постер на филмот Маестро, под кој напишала: „Честитки @maestrofilm, ние сме толку горди на тато и Леа“.
