Американската актерка Шерон Стоун, позната по улогата во филмот Основен инстинкт, позираше за дигиталната насловна страница на Ел Шпанија.
Фотографиите се појавија на Инстаграм профилот на Ел.
65-годишната Шерон Стоун е хероина на најновото издание на шпанската верзија на магазинот Elle. Таа му позираше на фотографот Мајкл Мулер во снежно бел костум од Скиапарели, составен од сако и панталони.
Актерката носеше сако на голо тело и го надополни изгледот со златни сандали и модни додатоци – обетки, масивен ѓердан и брош.
Неодамна, одекна веста дека Шерон Стоун заработила 13,5 милиони долари помалку од Мајкл Даглас во легендарниот филм „Основен инстинкт“. Според Стоун, таа добила 500.000 долари, додека Даглас добил 14 милиони долари, бидејќи таа била „нова“, а тој „многу голема ѕвезда“.
Стоун додаде дека за време на снимањето се соочила со непочитување од страна на еден од продуцентите на филмот, Пол Верховен, кој по грешка ја нарекол Карен наместо Шерон. „Дури и на забавата по Оскарите тој сè уште ме викаше „Карен“! – сподели неодамна глумицата.
