Никола Роквиќ по успешното пристигнувањето во манастирот Свети Нектариј во Грција, се упати кон Србија и вчера попладнете слета со семејството во Белград.
Во грчкиот манастир Никола помина неколку дена по аџилакот, а таму и се причести на литургијата.
По неколку дена поминати во манастирот, Никола доби посебен подарок како спомен на тоа неповторливо и хумано патување.
Имено, сестринството од манастирот му подарило рачен часовник кој е бакрорез на светец во одора со годината на раѓање и смртта, а од другата страна на часовникот има крст со натпис Исус Христос и Ника, односно Исус Христос победува.
Никола за часовникот се пофали на социјалните мрежи.
Инаку, кога Никола влагал во манастирот, со боси нозе, ја бакнал иконата и ги спочитувал сите обичаи, а на грбот носел знаме од Србија, па се поклонил на моштите.
Одржана е и служба, а тој бил многу емотивен, па цело време бил на раб на солзи држејќи се за градите.
Вчера попладне, Роквиќ слета со семејството во Белград каде беше пречекан со аплауз.
– Впечатоците се средија, презадоволен сум и среќен, ова е одлично животно искуство. Се одморив малку со семејството. Егина е прекрасна, има прекрасни плажи, дури успеавме и да се искапеме, рече тој за српските медиуми.
– Ова секако би го повторил, ова е само почеток, мислам дека ќе има уште вакви акции, тоа е прекрасна работа, тука учествува целото битие, а се е опфатено со хумана цел. Многу идеи ми доаѓаат, веројатно ќе се јави некоја – додаде тој.
