Таиша Дрпиќ, 19-годишната ќерка на пејачката Нивес Целзиус и поранешниот фудбалер Дино Дрпиќ, ја прослави својата матура, а овој важен момент го одбележа на посебен начин.
На својот инстаграм-профил сподели фотографии од прославата, како и трогателна порака за семејството, љубовта и заедништвото што трогна многу нејзини следбеници.
На фотографиите, Таиша позира во елегантен црн фустан опкружена со нејзините најблиски: нејзината мајка Нивес, нејзиниот татко Дино и неговата девојка Инес.
Иако навидум изгледа како само уште еден семеен спомен, приказната зад фотографиите открива емотивна порака за прифаќање и љубов што ги надминува традиционалните рамки.
View this post on Instagram
Во описот на објавата, Таиша се присети како цртала „совршено семејство“ како девојче. „Тато, мама, Леоне и јас. Сите се држевме за раце, смеејќи се од уво до уво, под зраците на подеднакво насмеаното сонце“, напиша таа и додаде:
„Денес, кога ја гледам оваа семејна фотографија, знам дека не е како цртеж. Не е совршена. Ми недостига Леоне, кој сега е во тие години и му е детски да дојде на матурата на сестра му“, искрено призна таа.
Сепак, и покрај ова, таа го гледа своето семејство како бајка.
„Мама, тато, неговата девојка Инес и јас во заедница за која другите можат само да сонуваат. Во заедница во која маќеата ја нема таа неблагодарна улога од бајка затоа што е нежна и грижлива.“ Својата мисла ја заврши со пораката: „И затоа сликата од моето семејство не е совршена, таа е посовршена од совршенството.“
