Слики од фолк- ѕвездата Благица Павловска во невидено издание се објавени на социјалните мрежи, а на нив, таа е непрепознатлива.
Благица уште еднаш докажа зошто со децении опстојува на самиот врв на музичката сцена. Популарната пејачка ги изненади своите обожаватели со серија фотографии на кои изгледа секси и елегантно.
За нејзиниот беспрекорен изглед овојпат се погрижи студиото на познатиот стилист Даниел Николовски. На објавените кадри, Павловска позира во нежна, бела сатенска комбинација која дополнително ја истакнува нејзината женственост. Со дискретна, но ефектна шминка и стилизирана руса коса, таа зрачи со самодоверба под мотото „Glam time“ (Време е за гламур“).
Фотографиите се споделени со нејзиниот голем хит „Чукај срце“.
Дека Благица знае како да го привлече вниманието на социјалните мрежи, потврдуваат и бројните коментари и лајкови од нејзините верни следбеници, кои не штедат комплименти за оваа нејзина промена.
