Новинарот на Би-Би-Си Џејмс Клејтон објави фотографии од канцелариите на главното претставништво на Твитер во Сан Франциско, во кои се поставени кревети за вработените. Фотографиите се достапни на Твитер профилот на новинарот.
„Добивме фотографии од канцелариите на Твитер, соби кои се претворени во простории за спиење за вработените“, напиша Клејтон.
Според него, во канцеларијата има и неколку софи, распоредени како кревети. „Очигледно многу вработени на Твитер остануваат преку ноќ на работа“, додаде тој.
NEW: The BBC has obtained pictures of inside Twitter – rooms that have been converted into bedrooms – for staff to sleep in.
The city of San Francisco is investigating as it’s a commercial building. pic.twitter.com/Y4vKxZXQhB
— James Clayton (@JamesClayton5) December 7, 2022
Клејтон, исто така, откри дека Маск поставил плакар каде работниците можат да ја остават облеката за спиење.
„Ми кажаа дека и самиот Маск редовно спие во канцеларијата на Твитер“, рече новинарот.
На една од снимките на репортерот се гледаат и влечки слични на оние што се даваат во хотелите.
„Вработените велат дека собата на Илон Маск на Твитер изгледа како хотелска соба и е пренаменета конференциска сала“, заклучи Клејтон.
Претходно беше објавено дека Илон Маск наредил да се опреми канцеларијата на Твитер во Сан Франциско со кревети. Во собите се појавија кревети, ноќни масички со светилки, сиви завеси и видео екрани.
