Сезоната на зимници е во тек. А, на наше задоволство и чест, страничките на еспресо.мк ги разубавува и популарниот шеф Бранко Попоски, познат под псевдонимот „Готвиме со Бранко“ („Cooking with Branko“).
Овој врвен готвач, гастроном и љубител на кулинарството денес ни открива рецепт за – верувале или не – превкусното слатко од црвена пиперка!
Никогаш доста од необични и неодоливо вкусни работи!
Пробајте го слаткото од црвена пиперка!
Потребни состојки:
1,5 кг. ајварска пиперка
700 гр. шеќер
2 лимона
1 ванилин шеќер
1/2 лажичка цимет
Начин на подготовка:
Исчистете ги црвените пиперки од семките и жилите. Исечкајте ги на долги лени или на коцки (по ваш избор). Ставете ги во тенце, додадете го шеќерот, циметот, ванилата, ломоновиот сок и изрендана кора од лимон. Оставете преку ноќ да отстои за да се соединат сите состојки.
Наредниот ден, ставете го на тивок оган да проврие, и нека се вари околу 10-15 минути. Потоа, вклучете ја ринглата на повисок степен и варете го вообичаено како секое слатко. Додека врие, мешајте со дрвена лажица. Кога ќе биде готово слаткото, тргнете го и соберете го топло во претходно чисти теглички. Тегличките затворете ги убаво. Покријте ги теглите со крпа и оставете ги во темна просторија.
При подготовката, можете да додадете и каранфилче, црб бибер (мелен) за специфицеч вкус.
Ова е одличен прилог за со сендвичи, скара, најчесто послужувано со различни видови на сирења, посипано со пармезан, сенф и сл.
НАВИСТИНА НЕОБИЧНО, НО МНОГУ ВКУСНО!
