Фолк-пејачката Анета Љумаковска и нејзиниот сопруг Рубин Размоски деновиве уживаат на летување во Парга, Грција, од каде што со своите следбеници на социјалните мрежи споделуваат фотографии и видеа од заедничките моменти.
За Анета и Рубин ова е првото летување како брачен пар, откако во мај годинава ја официјализираа својата љубов и стапија во брак.
Нивните објави откриваат дека деновите ги исполнуваат со прошетки низ живописните улички на Парга, уживање на плажа со чаша узо, романтични вечери и возење со кабриолет.
Парот не крие дека максимално го користи одморот за да се посвети еден на друг и да се оддалечи од секојдневните професионални обврски.
Освен што се животни сопатници, Анета и Рубин со години успешно соработуваат и на музички план. Размоски е саксофонист во бендот на пејачката, а со неа настапува уште од периодот кога Љумаковска беше дел од групата „Молика“.
