Право од концертот на Влатко Миладиновски на кој настапи вчера како гостин, Спасен Силјановски објави слика од авион објавувајќи дека заминува од Македонија.
-Америка, доаѓам- напиша фолк-пејачот кој таму ќе ги помине новогодишните празници и ќе настапи за нашите иселеници. Инаку, Спасен гостуваше на концертот на својот колега и пријател од Кичево, Влатко Миладиновски и направи џумбуш на песната „Ќе ти дојдам“.
Инаку, кај пејачот дома е како во вистинска новогодишна бајка, од елката, до украсите и каминот на телевизорот во позадина кој дава празнична топлина. На сликата која пејачот ја сподели неодамна, неговата сопруга е облечена во новогодишен џемпер, а Спасен до оваа слика напишал: „Време за кафе со Анушка“.
На „Хајп ТВ“, фолк пејачот го прашаа која од три пејачки би ја бакнал и која би ја оженил, а тој рече: „Блага Петреска ја почитувам многу, може мајка да ми биде, не би ја бакнал. Стојне и Гавазова се и двете навистина згодни девојки, двете би ги бакнал“.
