Пејачката и хуманитарка Кристина Арнаудова сподели интимна приказна за маж кој ја дискриминирал, велејќи ѝ дека е стара.
Таа реши отворено да проговори за суровата реалност на естрадата и коментарите со кои се соочувала уште во моментите кога била на врвот на својата кариера.
Објавувајќи фотографија од плажа во бикини, Кристина откри дека токму тогаш добила коментар кој би можел да ја поколеба секоја млада пејачка.
„Точно кога ја сликав сликава, еден познат менаџер ми рече дека сум веќе стара и дека доаѓаат нови девојчиња. Не знам дали беше педофил, ама во тој момент навистина му поверував. Пазете кого слушате, кој ви зборува, кој ве сака, а кој ве труе. И не застанувајте“, напиша Кристина, која на сликата изгледа одлично.
Кристина, која низ годините се докажа како врвен вокал и борец за децата во социјален ризик со здружението „Проект среќа“, со овој потег покажа дека зрелоста носи мудрост.
