Познатата актерка Анѓелка Стевиќ Жугиќ сподели непријатна ситуација која ја доживеала за време на една своја претстава поради жена во првиот ред која со своето однесување целосно ја деконцентрирала.
„Седеше една госпоѓа во првиот ред, со шешир, вистинска дама, Како што седеше така пред мене, јас постојано ѝ се обраќав неа, но таа воопшто не реагираше,“ опиша Анѓелка. Актерката откри дека во еден момент, наместо на целата сала, се фокусирала само на тоа како да ја задоволи таа една жена.
„По 20 минути сакав само неа да ја одоброволам. Околу 350 луѓе се смеат и убаво им е, но јас како да не ги гледав нив, туку само неа. Кога видов дека не ми оди, посакав да запрам сè и да кажам: ‘Госпоѓо, ве молам одете си, зрачите многу лошо. Еве ќе ви ги вратиме парите за картата, бидејќи гледам дека не ви е убаво’“, искрена беше актерката.
Слична непријатност доживеал и Ненад Јездиќ за време на неговата култна претстава „Книга за Милутин“. Иако пред почетокот на претставата неколку пати било нагласено дека е забрането снимање, еден маж во третиот ред постојано снимал со својот мобилен телефон.
Јездиќ прво се обидел со мимики да го опомене, но кога видел дека тоа не помага, морал да излезе од ликот и директно да му се обрати:
„Спушти го тоа веднаш“. И покрај тоа што публиката дишела како едно со приказната за страдањата на српскиот селанец, некултурното однесување на еден поединец за малку ќе ја расипело магијата на сцената во „Ѕвездара театар“.
