По многу години, сестрите Маријана Новачевска и Росана Тодоровска – Сариќ повторно снимија заедничка песна.
Убавата вест ја сподели Маријана преку својот фејсбук-профил, откривајќи дека деновиве го реализирале новиот музички проект заедно со Александар и Дац.
„Со гордост објавувам дека после многу години деновиве снимивме нова песна, нов хит со Александар и Дац.
За песната „Засекогаш млади“ од композиторот Александар Митевски деновиве се снима и спот со кој ќе ја промовираме истата.
Среќата е уште поголема затоа што сум со Росана, Александар и Дац“, напиша Маријана.
Песната „Засекогаш млади“ е дело на композиторот Александар Митевски, а во тек е снимањето на видеоспотот, кој ќе ја придружува нејзината промоција.
Маријана и Росана ја започнаа кариерата настапувајќи во дует, како „Маријана и Росана“. Подоцна, по преселбата на Маријана во Австралија, Росана ја продолжи музичката кариера како соло изведувачка.
