Традиционални или технолошки модрни, шарени или украсени со биоразграливи материјали, новогодишните елки се главни протагонисти на празничната атмосфера на градовите.
Во Витлеем се вратија туристите
Во Витлеем преполн со туристи и аџии – кои годинава се вратија во голем број по ковид пандемијата – светна големата елка на плоштадот Мангер, пред базиликата на Христовото раѓање. Особено впечатлива е Витлеемска ѕвезда која е направена од биоразградлив материјал од шеќерна трска. Прославите се во тек со полноќни миси, предводени од страна на латинскиот патријарх на Ерусалим Пјербатиста Пицабала. И познатата „Улица на Ѕвездата“ е полна со туристи- според традицијата тоа е рутата што ја поминала светото семејство пред повеќе од 2 илјади години.
View this post on Instagram
Гулаби на мирот
Во измачениот Киев, градоначалникот Виталиј Кличко го одржа своето ветување. „Путин нема да ни го украде Божиќ“, рече тој – а големата елка, украсена со гулаби на мирот и со знамиња на земјите што и помогнаа на Украина, влева надеж. Втората божиќна елка е поставена во метрото во Харков, кое служи и како засолниште за бомби.
Елка што раскажува приказна за деца
Во Париз, темата што годинава ја избра Галеријата Лафајет за елката која доминира под куполата на зградата е инспирирана од француската писателка Клер Кастијон и нејзината „Планета Елка“. Ја раскажува приказната за Нордман, жител на планетата Елка, испратен на Земјата за да го спаси Божиќ на малата Ени.
View this post on Instagram
View this post on Instagram
Сваровски украс со 3 милиони кристалчиња
Во Њујорк, 25-метарската смрека поставена пред Центарот Рокфелер е украсена со повеќе од 50.000 LED светилки, а тоа што особено ја краси е кристалната ѕвезда Сваровски, дизајнирана од архитектот Даниел Либескинд, со 3 милиони кристали.
View this post on Instagram
View this post on Instagram
Норвешка елка во центарот на Лондон
Во Лондон, елката традиционално се поставува на плоштадот Трафалгар. Од 1947 година жителите на Осло, Норвешка, им ја подаруваат на лондончани како благодарност за помошта добиена за време на Втората светска војна. Традиционално, елката е висока над 20 метри, обично е стара повеќе од половина век, а се сече на церемонија во Норвешка, пред да биде испратена во Велика Британија и однесена во Лондон.
View this post on Instagram
Елка со соларна енергија
Главниот град на Италија, Рим, годинава за божиќните и новогодишни празници го краси голема елка поставена на плоштадот Венеција. Свети прекрасно и се забележува, поради светлината, од далеку, а се напојува со соларна енергија – елката е опкружена во незјината основа со фотоволтаични панели. Висока е 23 метри, доаѓа од Варезе, и украсена е со 100.000 светилки и 800 црвени, златни и сребрени лампиони.
View this post on Instagram
View this post on Instagram
