Речиси сите холивудски ѕвезди имаат каскадери кои ги изведуваат – наместо нив – најопасните сцени и разни акробации. Вистината е дека овие актери мораат физички да бидат многу слични на ѕвездите, до тој степен што ако ги видите на улица или на фотографија, дури може да се посомневате која е вистинската филмска ѕвезда.
Па не е чудо што фотографијата на Том Круз и неговите двојници, која почна да кружи на Твитер, стана голем хит.
На социјалните мрежи се појави слика на која се гледаат каскадерите на актерот како го слават крајот на снимањето на „Mission: Impossible – Deadly Doom“.
Корисниците останаа без зборови поради сличноста меѓу тројцата каскадери и ѕвездата Круз, па дури почнаа и да шпекулираат дека станува збор за фотомонтажа, ама – за волја на вистината – не е!
Други пак, шпекулираат дека богатиот Круз си направил свои клонови.
Сите коментари се во секој случај или полни со чудење или урнебесни. Фотографиите навистина личат на оние популарни загатки за решавање од типот „најди го натрпаникот“.
Tom Cruise’s MI:7 & MI:8 Stunt Doubles
(images are not AI)#tomcruise #tomcruisestuntdoubles #stuntman #MissionImpossible7 #MissionImpossibleMovie #missionimpossible pic.twitter.com/gFLPAl7INT— Gypsy (@gypsygalexy) June 7, 2023
„Пијани сте па ви се гледа дупло“, гласи еден од смешните коментари.
Сепак, факт е дека сите овие момци кои неодоливо личат на ѕвездата за да добијат добро платен ангажан во филм со Том Круз (како двојници) мора да се помачат добро – да внимаваат на топ формата, да имаат иста фризура како Круз, да ги белеат редовно забите, па дури и да ја вежбаат истата насмевка.
