Сагата околу Мелина Џиновиќ продолжува да ја бранува јавноста. Откако деновиве се смирија гласините за нејзиниот испад во луксузен бутик во Монако, нова објава од Јелена Карлеуша повторно ја врати целата приказна во фокус.
Карлеуша на социјалните мрежи се пофали со нова „Ермес“ ташна, вредна околу 30.000 евра, по што веднаш се отвори прашањето: дали токму тоа е моделот поради кој Мелина направи сцена во бутикот?
Како што пренесуваат медиуми, Мелина неодамна наводно направила вистински хаос во ексклузивен бутик во Монако, откако вработените одбиле да ѝ продадат „биркин“ ташна поради строгите правила и квоти што важат за тие модели.
Според извор близок до случувањето, таа гласно негодувала, прашувајќи ги продавачите дали знаат која е и колку пари има потрошено кај нив. Сцената, како што се тврди, траела околу 15 минути, по што Мелина бесно го напуштила бутикот.
Иако подоцна се вратила со својот вереник, кој ѝ ја исполнил желбата и ѝ купил скапа ташна, скандалот имал последици. Мелина повеќе не живее во станот во центарот на Монте Карло, кој го добила како веренички подарок, туку привремено се преселила во луксузен хотел во близина, во местото Кап д’Ај.
„Приказната за инцидентот во ‘Ермес’ со денови била главна тема на озборувања меѓу богатите дами во Монако. Некои пријателки почнале и да ја избегнуваат. Нејзиниот статус во тоа високо друштво сериозно е нарушен“, тврди извор близок до неа.
Како да не беше доволно, наводно следел уште еден блам. На Мелина ѝ се расипал луксузниот „бентли“, а кога дошло време да ја плати поправката, сфатила дека нема средства на картичката.
„Во паника го повикала вереникот да дојде и да ја плати сметката. Иако ѝ рекол дека ќе дојде подоцна, таа инсистирала веднаш, бидејќи не сакала да си замине од сервисот без автомобилот“, наведува истиот извор.
