Познатиот водител и новинар Миро Кацаров го покажа својот дом со интересно видео кое го објави на Инстаграм.
Кацаров сподели моменти од неговата најголема среќа – семејството.
Тој објави видео на кое се гледаат неговите најмили во опуштена, домашна атмосфера. На сликата Миа, внимателно се грижи за најмладиот член на семејството, нејзиниот брат Тадеј кој ужива во својата лежалка. „Многу ве сакам“, напиша водителот.
Миа е инаку ќерка на неговата сопруга Ивана од првиот брак, а водителот на шоуто „Вечер по осум во повеќе наврати има изјавено дека ја запознал кога имала две и пол години, и ја сака како да е негова биолошка ќерка.
Во една прилика, Мирослав објави фотографии од малата Миа со која пазарел заедно и напиша: „Ова па ова, колку е мило детенце!“.
Инаку, Миро и Ивана се запознале во ноќен клуб во Скопје и си се бендисале од прва. По само неколку месеци почнале да живеат заедно.
За романтичното запросување во Рим летото во 2023 година, Кацаров раскажа за „Еспресо“.
Водителот рече дека претходно го испланирал целото патување како изненадување за Ивана, која е одбојкарка.
