Пејачката Емина Јаховиќ и по разводот од Мустафа Сандал не ја изгубила вербата во љубовта и бракот, иако зад себе има десетгодишна заедница.
Таа открива дека по разводот мислела дека повеќе никогаш нема да се омажи, но со текот на времето ставот ѝ се променил.
„Јас сум жена што го сака бракот. Не ми е природно да имаш партнер и да го нарекуваш дечко – поубаво е кога ќе кажеш ‘ова е мојот сопруг’“, изјавила таа.
Јаховиќ признава дека поради љубов го напуштила животот во Србија и се преселила во Турција, каде што основала семејство.
„Бев толку вљубена што заминав без многу размислување. Кога сакам, губам врска со реалноста“, искрено додава пејачката.
Иако денес е финансиски независна, нагласува дека партнерот ѝ е потребен пред сè за емоционална сигурност, а не за материјална поддршка.
Според неа, бракот подразбира заедништво и во емоциите и во финансиите, па идејата за одвоени пари ѝ е туѓа.
Пејачката зборуваше и за предизвиците на мајчинството, особено откако останала сама со децата, признавајќи дека морала да стане построга.
„Кога останав сама со нив, сфатив колку е тешко. Мораше да има ред и дисциплина“, вели таа.
И покрај годините поминати во Турција, Јаховиќ признава дека Србија и понатаму ја доживува како свој вистински дом.
