45-годишниот француски претседател Емануел Макрон, заедно со неговата сопруга Брижит, се одмораат на луксузна јахта на југот на Франција, а папараците успеаја да направат неколку фотографии објавени во Дејли меил.
Макрон изгледа опуштено облечен само во шорцеви за капење, покажувајќи ги стомачните мускули. „Уловен“ е како разговараат со Брижит додека тој ја држи за ногата, а подоцна става маска за нуркање пред да нурне под вода. Политичарот се возел и на џет ски.
Брижит (70) носеше црно-син костим за капење и бела бејзбол капа.
Како и нејзиниот сопруг, подоцна и таа нуркала под синилото на француската ривиера.
She’s old enough to be his grandmother! # Groomed him at school??
Je t’aime! Emmanuel Macron and wife Brigitte look the picture of love during holiday in France https://t.co/ikUyKxQaIu @Femail
— Ste0007 (@Ste00071) August 9, 2023
„Таа е доволно стара да му биде баба“, гласат некои од коментарите на фотографиите објавени од медиумите.
Првата дама на Франција, како што пишуваат странските медиуми, имала голема потреба за одмор бидејќи минатата година за Макрон беше бурна, со недели протести, насилство и немири, откако тој го протурка контроверзниот закон за пензија во парламентот без гласање и ја зголеми старосната граница за пензионирање за две години, на 64 години.
Тој сега се соочува со уште повеќе предизвици по воениот удар во Нигер и антифранцуските протести, а во меѓувреме и со растечкото незадоволство на јавноста.
Минатата недела, Макрон го казни својот шеф на разузнавањето за неговиот неуспех да го предвиди пучот во Нигер, тврдејќи дека директорот на француското надворешно разузнавање Бернар Ејми требало да го предвиди соборувањето на претседателот Базум на 26 јули од страна на бунтовниците. Сепак, началникот на Генералниот директорат за надворешна безбедност одговори дека тој издал предупредување претходно оваа година, што владата го игнорирала.
Пучот во Нигер претставува големо назадување за Макрон, велат аналитичарите, поставувајќи прашања за военото присуство на Франција во земјата и пошироката стратегија во Африка.
Не додаде поени на претседателската двојка ниту концертот на Елтон Џон во екот на протестите во земјата.
