30-годишната американска пејачка Мајли Сајрус, која како тинејџерка се прослави по темните прамени, а потоа стана русокоса, се врати на природната боја на коса. Ѕвездата ги објави новите фотографии на својот Инстаграм профил.
Мајли сега е непрепознатлива со темно кафеава коса, а во објавата му честиташе на дизајнерот Сабато Де Сарно за неговата колекција за Гучи.
„Честитки за прекрасната деби ревија како креативен директор на Гули“, напиша таа за Де Сарно, кој ја презеде функцијата во италијанската модна куќа во јануари. „Твоето неверојатно срце беше видливо во секоја креација. Те сакам и горда сум на тебе“.
View this post on Instagram
Во серијата фотографии, Сајрус позира во црн капут со сребрен ѓердан околу вратот и држи црвена чанта „Horsebit“ од модниот бренд. Обожавателите на пејачката, која стана русокоса во 2012 година, напишаа многу коментари во кои го пофалија нејзиниот нов изглед.
