Љиљана Љумаковска, мајката на фолк-пејачката Анета Љумаковска освои добра сума во квизот „Сѐ или нешто“ кој со години на ТВ Сител го води Лила Филиповска.
– Кога среќата е на твоја страна нашата Љиљана Љумаковска си замина со убава сума од „Сè или нешто“. 105.000 со здравје да си ги трошиш душо. Нашето пријателство вечно ќе се гради – објави пријателката на Љиљана, Тања Тајчи Додева.
Таа објави и заедничка фотограграфија со Лила, Љиљана и пријателките кои ѝ беа поддршка во квизот. Мајката на нашата позната фолк-пејачка изиграла мудро, кога од популарниот банкар ја прифатила понудата од 105.000 денари.
Инаку, талентот на Анета Љумаковска бил забележен уште на рани години, а нејзината мајка порано рекла дека за неа од мала се знаело дека ќе се занимава со музика, но тие не сакале да брзаат.
– Таа музиката самата си ја избра – изјавила Љиљана Љумаковска.
