Мадона објави нови фотографии на Инстаграм откако нејзиниот изглед беше критикуван на интернет. Претходно, фановите на пејачката не ја препознаа на фотографиите од доделувањето на музичките награди Греми и рекоа дека таа изгледа многу поинаку како резултат на лошите пластични интервенции.
На фотографиите објавени на социјалната мрежа Инстаграм, пејачката позира со најстарата ќерка Лурд Леон, а на една од фотографиите Мадона држи провокативен натпис. На друга фотографија го покажува задникот стегнат во тесни гаќички, корсетот, но и позира со исплазен јазик.
Како што забележуваат западните медиуми, на новите фотографии на Мадона повторно може да се видат филтрите и лифтинзите за чија злоупотреба пејачката всушност и беше претходно критикувана.
Пејачката била навредена од коментарите за нејзиниот изглед, но и од фоторепортерите кои, според неа, нарочно ја сликале извитоперена и одблизу на доделувањето на наградите на Греми. Реагирајќи во објава таа се пожали дека се соочила со мизогинија и неразбирање за нејзиното стареење и рече дека била малтретирана во медиумите во текот на целата нејзина кариера. . Пејачката додаде дека никогаш за ништо не се оправдувала и нема да го прави тоа ни сега.
