Луксузна куќа уредена по негов вкус е домот на Јордан Митев во селото Подареш кај Радовиш, родното место на пејачот.
На неколку слики на неговиот Фејсбук профил се гледа со колку мерак тој го има уредено својот дом, а на една од сликите, Митев е со голема балканска фолк ѕвезда.
Станува збор за Халид Муслимовиќ кој минатата година најави дека ќе ја преработи песната „Ајде сите на нозе“ на Јордан Митев на која тој е комплетен автор. Па така, Халид го посети Јордан во неговиот дом лани, а на сликата се и мајката и сопругата на пејачот.
Јордан Митев неодамна објави ретка слика од него со сопругата Славица, а за тоа има еден многу специјален повод. Имено, нивната ќерка прослави втор роденден, па Јордан објави семејна слика, со синот кој е уште бебе, со сопругата и со ќерката и до неа напиша:
-Како вчера да се роди, а веќе поминаа две години. Среќен роденден ќерко моја! Биди здрава и жива, Господ секогаш нека биде со тебе и нека ти ја подари сета убавина, радост и среќа на овој свет, а јас ќе направам сè што можам за тебе“.
На Јордан Митев на крајо од септември му се роди и синот, и тоа на големиот христијански празник Крстовден, а кога нивното семејство се прошири, тој објави дека на Крстовден се родил нивниот син Кристијан.
