Леброн Џејмс, кошаркар на тимот на Лос Анџелес Лејкерс, пристигна на италијанскиот остров Искија, во близина на Неапол, на суперјахтата „Цијан“, луксузна чартер јахта од 42 метри, која е во сопственост на Боно Вокс од У2.
Штом се симнал од јахтата со своето семејство веднаш бил „нападнат“ од обожавателите кои го препознале. Леброн го посетил островот, а потоа вечерал во локален ресторан. Кошаркарот објави неколку моменти од својата морска турнеја на суперјахтата преку Инстаграм.
Меѓу фотографиите, вистински „бум“ направи фотографијата на која славниот кошаркар е во друштво на легендарниот пејач Елтон Џон, кој е исто така на одмор во Италија со неговиот партнер Дејвид Ферниш.
„Навистина си мој единствен пријател!“ – напиша Леброн Џејмс во објавата – „Ми беше задоволство да се сретнеме и да разговараме! Благослов за вас и вашето семејство“.
Леброн во Искија веднаш бил препознаен од фановите, Џејмс направил кратка турнеја низ главната улица во Искија, а потоа со неговата сопруга и група пријатели вечерале во ресторанот „Џардино Едем“ во заливот Картаромана каде јадел сирова риба (карпачо) и шпагети со лук и маслиново масло, а пиел скапо француско црвено вино. По вечерата, кошаркарот прошетал низ плоштадот Пјаца Антика Реџа, рака под рака со својата сопруга Савана Бринсон, уживајќи во сладолед, а потоа се вратил на јахтата.
