Принцезата од Велс Кејт Мидлтон на годишниот дипломатски прием во Бакингемската палата носеше црвен фустан и обетки од покојната кралица Елизабета Втора.
View this post on Instagram
Вчеравечер (вторник, 6 декември), во Бакингемската палата се одржа годишниот прием за дипломати. Настанот последен пат беше организиран од кралицата Елизабета Втора во 2019 година, но беше одложен во 2020 и 2021 година поради пандемијата на коронавирус.
Кејт Мидлтон блесна во црвен фустан – креација на англиската дизајнерка Џени Пакам. Од накит, принцезата од Велс ја избра дијадемата наречена Лотус, која веќе ја носеше во 2015 година на вечерата со кинескиот претседател Си Џинпинг, и обетки кои некогаш ѝ припаѓаа на Елизабета Втора.
View this post on Instagram
Во меѓувреме, Меган Маркл и принцот Хари во Њујорк присуствуваа на гала вечера организирана од Центарот за човекови права Роберт Ф. Кенеди каде што беа почестени со награда за борба против расизмот.
