Каролина Гочева ретко споделува повеќе детали од приватното секојдневие, но овојпат направи исклучок и објави серија фотографии со кои покажа како го поминала септември.
Пејачката сподели моменти со најблиските, од дружбите со внуките и мајка ѝ, до времето поминато со сопругот Михаил Корубин и пријателите.
Во фотогалеријата се најдоа и моменти од нејзините тренинзи, прошетки и вечерни излегувања, а целиот месец Каролина го сумираше во една кратка реченица:
„Септември беше убав“.
Септември има посебно значење за Каролина и поради нејзиниот брак со Михаил. Двојката се венча на 23 септември 2017 година, па минатиот месец ја одбележа деветтата годишнина од бракот.
Каролина и Михаил важат за еден од најдискретните парови на македонската јавна сцена и ретко споделуваат детали од приватниот живот на социјалните мрежи.
Пејачката претходно има откриено дека септември ѝ е еден од омилените месеци уште од детството и дека почетокот на месецот и денес го поврзува со нови почетоци.
„Секогаш нестрпливо го чекав 1-ви септември. Се сеќавам дека од втора половина на август распустот веќе ми здосадуваше и сакав што побрзо да почне школската година“, изјави таа во една пригода.
Иако одамна не е во училишните клупи, Каролина вели дека 1 септември и понатаму за неа носи чувство на нов почеток и враќање кон секојдневната рутина.
