Калиопи ѝ го оствари сонот на Теа Таировиќ и ѝ помогна да надмине еден проблем, а тоа се случи токму во Скопје.
Теа одамна сакала да ја запознае Калиопи, а сонот ѝ се оствари токму вчера, кога беше на прес-конференција. Инаку, Теа ќе одржи концерт во Скопје на 15 ноември во Арената „Борис Трајковски“ во организација на „Балкан медиа“.
На инстаграм-профилите на двете пејачки се објавени видеа од нивната прва средба, како Теа влегува во хотелот, а ја пречекува Калиопи, а таа вели: „Леле, не можам да дишам!“
А Калиопи на ова ѝ одговара: „Душо мила. Но зошто, зошто? Таа трема, вака кога некој ќе се фати за стомакот тоа укажува на личност која е многу емотивна. Уште кога за првпат те видов, кога се појави на сцената јас реков: ‘Ова е многу искрена девојка, многу интелегентна и знае што прави’.“
И навистина, му се восхитувам на секој таков момент и ти честитам за сѐ што направи. И
да се договориме нешто, нема да се персираме“, вели Калиопи во видеото, а Теа ѝ одговара:
– Само од почит, но ќе се обидам.
– Јас сум Калиопи, Опи, како што ме викаат блиските, и од денеска ти си мојата блиска, добредојде во мојата земја, во мојот град – рече Калиопи и со ова ѝ помогна на Теа да ја надмине тремата. Потоа, двете пејачки прошетаа низ центарот на Скопје .
