Вереницата на Кристијано Роналдо и мајка на неговите две, од вкупно пет деца, откако пред неколку години се впушти во романса со најплатениот фудбалер во светот, стана енормно популарна, а на „Инстаграм“ има над 45 милиони следбеници, па не е чудно што постојано го привлекува вниманието на светските медиуми кои будно го следат секој нејзин чекор.
Врската со славниот спортист ѝ го промени животот од корен, но ниту изгледот на Џорџина Родригез, пред Роналдо, не беше ни сличен на денешниот.
Со години се шпекулираше дека Џорџина направила бројни пластични операции речиси на целото тело, а фотографиите од минатото кои се појавија на „ТикТок“ ја покажуваат нејзината голема промена.
– Како девојче бев грдото пајче и се претворив во лебед. Никој при моето раѓање не рече дека ќе бидам убава. Тоа секогаш ми го зборуваа. Комплексите се бескорисни. Се сакам себеси каква што сум со сите несовршености. Никој не е совршен, но сите сме уникатни – истакна љубовта на Роналдо во една прилика.
Таа никогаш јавно не зборувала за своите пластични интервениции, но своевремено призна дека не секогаш било се совршено како сега, вклучително и изгледот, за кој денес добива само пофалби.
Иако не може да се спори дека Аргентинката е природно убава, сепак е јасно дека мајката природа не ѝ дарила баш се. Но, затоа, парите ги надокнадиле недостатоците. Очигледно е, нели?
