Маја Гроздановска-Панчева објави фотографија на која изгледа дека е доста подмладена, како да има 20 години.
Облечена младешки со убава шминка и фризура, познатата пејачка, сопруга на фудбалската легенда Дарко Панчев, оддава впечаток дека е во цутот на младоста, особено на новата фотографија.
Она што Маја овојпат ја орасположило и ја подмладило е дружбата со пријателки со кои исто така објави фотографија од нивното излегување.
Во една прилика, за „Слободен печат“, Маја раскажа за своето секојдневие.
– Најчесто ручаме дома, бидејќи ретко се случува да немам подготвено ручек, а доколку немам, сите заедно одиме некаде да јадеме. Додека трае ручекот, секој од нас раскажува како му поминал денот и на тој начин ги зајакнуваме семејните врски. По ручекот следува мал период на одмор, а потоа, како и секоја жена, ги завршувам преостанатите обврски во домот – рече пејачката.
