Јелена Карлеуша пред неколку дена се врати од одморот во Дубаи. Како што веќе пишуваа српските медиуми, таа престојувала во еден од најскапите хотели на Емиратите, а своите следбеници на Инстаграм секојдневно ги почестуваше со жешки видеа и фотографии од оваа луксузна дестинација.
Така, една од фотографиите која привлече најголемо внимание е онаа на која таа позира облечена во бело од глава до пети во интересен аутфит потпишан од локален дизајнер. Јелена собра околу 50.000 лајкови и безброј коментари на видеото и фотографиите во оваа комбинација, а папарацо од местото на настанот успеа да сними како навистина изгледа снимањето и фотографирањето на Јелена за социјалните мрежи, пренесува српски „Курир“.
Како што можете да видите на фотографиите, Јелена трпеливо му позирала на својот фотограф и на уште еден член од тимот на терасата од хотелот во кој престојувала, па цело време ја прилагодувале светлината и ѝ давале упатства како да се намести за да изгледа најдобро.
Да потсетиме, Карлеуша своето време на оваа дестинација го помина уживајќи на плажа и сончајќи се на жешкиот песок на Емиратите, но и на шопинг и позирајќи во различни модни комбинации потпишани од локални и од светски познати модни брендови.
