Иако поминаа 62 години од смртта на холивудската актерка Мерилин Монро, фасцинацијата со нејзиниот лик остана, а технолошкиот инвеститор Ентони Џебин неодамна купи гробница во близина на нејзиното вечно почивалиште.
Ентони отсекогаш сонувал да биде покрај Мерилин и затоа немал проблем да издвои 195 000 долари (181 000 евра) за парцела на аукција.
Продажбата беше насловена Плејбој – Хју Хефнер и Мерилин Монро. Розевиот свилен фустан на холивудската икона беше продаден за 325 000 долари, додека карминот „Елизабет Арден“ што го носеше беше купен за 60 000 долари.
На 4 август 1962 година, Мерилин беше пронајдена мртва во нејзиниот дом во Брентвуд од предозирање со барбитурати. Нејзиното голо тело е откриено како лежи со лицето надолу на креветот, а нејзината рака ја држи телефонската слушалка.
Сепак, многу нејзини обожаватели веруваат дека никогаш не и било дозволено да почива во мир, бидејќи Хју Хефнер потрошил 70 000 евра за гроб до нејзиниот на гробиштата во Меморијалниот парк во Вествуд Вилиџ.
Двајцата беа поврзани преку Плејбој, но никогаш не се запознале во реалниот живот, и покрај фотографиите на кои таа гола позираше за насловната страница на познатото списание во 1953 година. Тоа му помогна на Хефнер да стане издавачки магнат, а подоцна и мултимилионер, иако Мерилин никогаш не добила соодветна надокнада за таа насловна страница.
Hi!
December.
[Marilyn Monroe, first cover of Playboy Magazine, December 1953] pic.twitter.com/QqKihJ6JpB
— Hipsteria (@hipst_eria) December 1, 2017
Фотографиите во боја од нејзиното голо тело завршија во Плејбој неколку години откако таа му позираше на фотографот Том Кели и тоа без пари, а допрва требаше да стане успешна актерка и модел. Подоцна се дозна дека Мерилин рекла дека Том ѝ платил 50 долари за фотографиите.
Marilyn Monroe was Playboy magazine’s first centerfold. She was set to appear in it again with her nude swim scene. RIP #HughHefner pic.twitter.com/ucHpZaqfBM
— Marilyn Monroe Fantasy (@MarilynSpirit) September 28, 2017
И еден пасус во списанието гласеше: „Всушност имаше две пози направени во природно издание во 1949 година, непосредно пред убавата русокоса да ја добие својата прва филмска улога. Кога се појавија фотографиите, тие помогнаа да ја катапултираат до ѕвезда. Ја избравме подобрата од двете за нашата Плејбој страница“.
Хефнер, кој почина во 2017 година на 91-годишна возраст, исто така за „Лос Анџелес тајмс“ во 2009 година изјави дека сака да ја помине вечноста покрај Мерилин.
– Верувам во симболични работи. Поминувањето на вечноста покрај Мерилин е премногу слатко за да се пропушти, рече тој.
На многу од нејзините најголеми обожаватели им беше навредливо, особено на Сузи Кенеди, која е најпознатата имитаторка на Мерилин Монро во светот.
Таа рече дека да се има едно од најпрепознатливите лица во светот е „чудо на генетиката“. Таа за Дејли стар изјави дека има демначи и дека добива барања за секс од мажи кои сакаат да ја освојат.
Но, таа исто така сподели колку непријатно се чувствува поради телото на Хефнер што е ставено во близина на жената која толку успешно ја имитира.
– Сето ова со Плејбој ми е толку грдо, ќе ви кажам зошто, бидејќи Мерлин Монро никогаш не се срамела од своето тело кое јас го сакам. Ми се допаѓа што никогаш не се срамеше од својата сексуалност и никогаш не се срамеше кога се обидоа да ја засрамат за тие голи фотографии. Но, она што ме растажува е тоа што ги создаде Плејбој и Хју Хефнер, а тој никогаш не ѝ плати. Тој никогаш не ја ни сретнал, а згора на тоа, беше погребан до неа и се чини дека има корист и од нејзиното умирање.
Мерилин никогаш не се срамела од тоа што го направила. „Жените не треба да се срамат од ништо што го направиле во животот или со своето тело, но тажно е што мажот мораше да заработи од тоа“, вели Сузи.
