Облечена во златен краток фустан со длабоко деколте, фолк-пејачката Сузана Гавазова направи вистински бум во Италија.
Таа пред бројната публика ја изведе енергичната песна „Бум Бум“ и уште многу други.
Судејќи според видеото што го сподели на социјалните мрежи, Гавазова со својата препознатлива енергија и сценска појава успеа да ги крене гостите на нозе. Во преполна сала, присутните се фатија на оро и ја следеа во еден глас, создавајќи вистинска балканска атмосфера далеку од дома.
Пејачката се појави во впечатлив златен сценски стајлинг, кој дополнително ја нагласи динамичната изведба.
„Спектакуларна вечер, луда журка до зори што нема реприза! Атмосфера на максимум, народ на нозе, адреналин што не паѓа ни секунда! ‘Форца бенд’ направи хаос за паметење, а со Сузана Гавазова – чиста експлозија на сцена!“, стои во објавата на „Горца бенд“.
