Иако изгледа како никогаш да не се сменила и дека годините ништо не ѝ можат, Сузана Спасовска неодамна наполни 61 година. Таа е златното грло на македонската народна музика, првенка на ансамблот „Танец“, мајка на Теона и баба на Клара.
Сузе во една прилика со радост се потсети на времето кога таа била мала.
Кога сме оделе во маркетот да купуваме намирници, понекогаш кога ќе ме виделе така детски разигана, барале од мене да отпеам песничка, па дури ме качувале и на касата да пеам и играм. Тоа била мојата сцена.
Вообичаено, освен некоја кратка детска песничка од тоа време, сум знаела да ја запеам и старата народна песна „Море што ти текна, што побегна”, песна која мајка ми додека шиеше си ја пееше, а јас сум си ја запомнила. Бев најрадосна за сите лижавчиња, бомбони, чоколатца, а и по некоја ситна паричка на крајот на мојот “сценски настап”“, се сеќава Спасовска.
