Фолк-пејачот Ѓоко Јовиќ и неговата сопруга Ивана имаат огромна причина за славење. Нивната најстара ќерка Теодора, матурираше, а гордиот татко ја сподели семејната среќа со јавноста преку емотивна фотографија на која позира целото шестчлено семејство.
Јовиќ, кој важи за еден од највредните и најангажираните музичари на нашата сцена, никогаш не криел дека најголемото богатство му е токму семејството — сопругата Ивана, ќерката Теодора и нивните три сина. За овој важен животен чекор на нивната „принцеза“, тој упати искрени и длабоки зборови кои допреа до срцата на многумина.
На преубавата семејна фотографија, Теодора блеска во елегантен црвен фустан, опкружена со љубовта на своите најблиски, а годриот татко напиша:
„Среќна матура, принцезо наша!
Денес е посебен ден за сите нас, затоа што гледаме како нашето мало девојче порасна во прекрасна, паметна и добра девојка. Нека оваа матура биде почеток на еден убав животен пат исполнет со среќа, љубов и успеси.
Запомни дека секогаш ќе бидеш нашата најголема гордост и најсилна љубов. Премногу те сакаат ТАТО, МАМА и твоите три ЛАВА. Секогаш чекори со крената глава, насмевка и добро срце, затоа што ти заслужуваш само најубави работи во живот…“
