Пејачката Цеца Ражнатовиќ синоќа била во еден елитен ресторан во Белград, каде што се дружела со италијанскиот актер Симоне Сузина. Двајцата, според објавите, опуштено разговарале и уживале во пријатната атмосфера, а по излегувањето од локалот биле видно расположени.
Подоцна, Цеца објавила заедничка фотографија со актерот, која предизвикала големо внимание кај нејзините обожаватели. На фотографијата тие изгледаат блиски и насмеани, што дополнително ги поттикнало реакциите на социјалните мрежи.
View this post on Instagram
Од нејзиниот тим на Инстаграм е оставен коментар: „Таман за спот“, а дел од фановите почнале да шпекулираат дека можеби станува збор за нов музички проект или соработка.
Јасно е дека вечерта ја поминале во опуштена атмосфера со вино и разговор, иако пејачката сè уште не се огласила за средбата со Сузина.
Симоне Сузина, роден во 1993 година, кариерата ја започнал како модел, а подоцна станал препознатлив по соработките со познати модни брендови како „Џорџо Армани“, „Долче и Габана“ и „Гес“.
Голема популарност стекнал како актер со улогата на Начо во вториот и третиот дел од нетфликсовиот еротски трилер „365 дена“, како и во драмата „Хевен ин Хел“.
