Пејачката Едита Арадиновиќ неодамна ја доби својата прва ќерка, на која ѝ го даде името Зоиа, а сега сподели дел од секојдневието со новороденчето и откри како се снаоѓа во улогата на мајка.
Откако со следбениците ги сподели моментите од породувањето, како и првата ноќ дома со бебето, Едита овојпат покажа и како изгледа нејзиното искуство со доењето.
„Ситуацијата е следна. Не купувам дохрана, ја дојам. Зорица (тоа ѝ е уметничкото име) е легенда, која ми помага и се труди, иако е родена со царски рез“, напиша Арадиновиќ, гордо зборувајќи за својата ќерка.
Пејачката претходно откри дека породувањето било предвреме, бидејќи терминот ѝ бил закажан за 3 август, но бебето решило да пристигне порано.
Ќерката Зоиа ја доби со поранешниот партнер Ненад Стевиќ. Иако двајцата се разделиле, останале во добри односи, а тој ја посетил и додека таа била во породилиштето.
Едита неодамна призна и дека првите денови дома не биле лесни.
„Мислев дека ова ќе ме заобиколи, но ‘бејби блуз’ ме скрши. Не спиев ниту малку, бевме сами, тука беа и конците, и измолзувањето, и миењето, и кревањето. Но, што да правиш, така сакав“, изјавила таа по првата ноќ со бебето дома.
