Модниот дизајнер Симон Порт Жакемус му рече „Оуи“ на човекот со кој го дели животот од 2018 година, Марко Маестри, директор на дигиталната агенција „Јоан и Марко“. На свадбата која се случи викендов меѓу бројните вип гости, вниманието го украде Дуа Липа.
Пред големата забава во замокот Боневал, граѓанската венчавка меѓу двајцата беше прославена во присуство на повеќе од 200 истакнати гости, меѓу кои и Дуа Липа. Дефинитивно блескава, поп-ѕвездата која е на летен одмор од турнејата Future Nostalgia, избра да облече извонреден, шик бел фустан за таа прилика што остави впечаток дека ова би можела да биде и нејзина свадба.
View this post on Instagram
Изглед кој ви го одзема здивот, е всушност од самиот младоженец – Жакемус, модел од најновата колекција насловена Le Papier: проѕирен, долг, начичкан со цветни украси, со длабок страничен шлиц.
Изгледот е заокружен со бели отворени сандали во минималистички стил и на умерено висока потпетица и контрастно црна чанта.
View this post on Instagram
View this post on Instagram
