Познатата британска пејачка со косовско потекло Дуа Липа, на својот Инстаграм профил се пофали со добиеното албанско државјанство.
View this post on Instagram
Албанскиот претседател Бајрам Бегај ѝ го предаде уверението за државјанство на пејачката искажувајќи посебно задоволство.
„Пред 110 годишнината од прогласувањето независност на Албанија, не им оддаваме чест само на оние кои во минатото придонеле и помогнале во создавањето на албанската држава, туку и на оние кои со својот придонес во сите области го промовираат албанскиот национален идентитет и не прават горди во секој момент“, напиша Бегај на својот Фејсбук профил.
Липа пак, на својот Инстаграм профил ја истакна својата гордост обраќајќи им се на своите бројни следбеници на англиски и на албански јазик.
-Ви благодарам претседателе Бегај и градоначалнику Ерион Велиај на ова признание – добив албанско државјанство! Многу сум горда, напиша пејачката во описот на постираните фотографии.
Потсетуваме дека годинава во август Дуа Липа стана почесен амбасадор на Косово.
