Фолк ѕвездата Драгана Мирковиќ ги воодушеви своите следбеници на социјалните мрежи поститајќи фотографии на кои се гледа новогодишното украсување на замокот во Ебенфурт во близина на Виена, каде што живее со сопругот Тони и децата Мануела и Марко.
Посебно внимание посветила на украсувањето на новогодишната елка, која ја краси внатрешноста на овој замок – се е во бели и сребрено-блескави тонови, што одлично се вклопува со постоечките лустери со кристали Сваровски.
Украсениот ентериер е во склад со екстериерот кој доби и свое празнично „издание“.
Голем венец со црвени детали ја краси железната капија, а зимзелените растенија во дворот се украсени со црвена лента. Дополнителна топлина и шарм даваат специјални празнични светилки.
