Драган Бјелогрлиќ, српскиот актер, режисер и продуцент денеска беше прогласен за почесен професор на Интернационалниот Универзитет Еуропа Прима – Скопје.
„Колку и да ме повредувал, разочарувал овој суров живот, светот на филмската уметност ми даде сила никогаш да не изгубам верба во љубовта, луѓето и во тој суров живот што секојдневно го живеам. Поради тоа сум благодарен што сум дел од филмскиот свет и благодарен сум што ја добив наградата што го препозна мојот пат, денеска и тука во овој град и држава што ја сметам за моја, каде не се чувствувам како гостин и каде што живеат луѓето што ги сакам и тие ме сакаат мене“, рече Бјелогрлиќ.
Драган Бјелогрлиќ денеска беше присутен на свеченоста за доделување на признанието на градоначалникот на Кавадарци, Митко Јанчев, која се одржа во ресторанот „Моклиште“. Јанчев е прогласен за личност на Југоисточна Европа во областа на економијата и европеизацијата на Балакнот.
Градоначалникот на Кавадарци вели дека е горд што со наградата е рамо до рамо со најуспешните од регионот – актери, културни работници, истакнати личности од областа на економијата. На овој начин се дава признание и на градот, но и на македонската историја и култура, вели Јанчев.
View this post on Instagram
