Џенифер Лопез, која на почетокот на годинава се прошета на црвениот тепих на доделувањето на Златните глобуси без сопругот Бен Афлек и ги засени сите во розов фустан, објави спот за песната Can’t Get Enough.
Една од најголемите ѕвезди на светската поп сцена и горда мајка на две деца, на 55 години покажа завидни стомачни мускули и ги „посрамоти“ своите многу помлади колешки. Во спотот за новата песна Џенифер танцуваше како што само таа знае, се појави во неколку предизвикувачки модни комбинации, а од самиот почеток фановите останаа без зборови.
Џенифер се тркалаше по креветот без ништо на себе, дури ни долна облека. Имено, таа едвај е покриена со проѕирна наметка, а малку остави на фантазијата. Но, сцената која сите ја истакнуваат како најпривлечна е онаа во која таа во бикини и со високи потпетици скока од балконот и се спушта по јаже.
Пред објавувањето на ремиксот во петокот, на 26 јануари, пејачката на социјалните мрежи сподели видео од неа и Лато, како ја изведуваат песната заедно во студио.
