Со недели се шпекулираше за емотивната врска помеѓу младиот хрватски пејач Јаков Јозиновиќ и неговата колешка, босанската пејачка Џејла Рамовиќ, особено по фотографиите на Инстаграм од брод, на кој Јаков се бакнува со девојка која неверојатно личи на пејачката, објави српски „Курир“.
Никој од нив не се огласуваше по овој повод, тие настапуваат низ целиот Балкан, меѓутоа, сега се појави ново видео кое дополнително ги разгоре сомнежите.
Едно девојче, инаку нивна верна обожавателка, ги сретнала на летување, на коешто биле заедно, и сето ова го објавила на социјалната мрежа Тикток, што предизвика хаос на мрежите.
Џејла Рамовиќ и Јаков Јозиновиќ биле лежерно облечени, расположени и насмеани.
„Еден ден, две легенди“, гласел насловот на видеоснимката, а во описот стоело: „Ист ден, исто време“.
Да потсетиме, по настапот на младиот хрватски пејач во Сава центар во Белград, Џејла зборуваше за Јаков. Инаку, во текот на еден од концертите, на сцената на Јаков му се придружи и Џејла.
„Ние ја почувствувавме таа убава енергија додека бевме таму и додека ја правевме пробата. Многу убаво се чувствувавме и по концертот, пред сето тоа да стане толку вирален. Убавата емоција меѓу нас тројцата излезе така што им се допадна и на другите луѓе“, рекла тогаш Лејла.
Она што изненади многумина беше признанието на Џејла за тоа колку многу ја понел овој заеднички момент.
„Јас сум од оние луѓе кои никогаш не гледаат ништо поврзано со мене, интервјуа и настапи, ништо не прегледувам потоа. Но, тоа видео заљубено го гледав 10 пати“, признала таа.
