Ќерката на Моника Белучи и Винсент Касел, 18-годишната убавица Дева Касел, влезе во објективите на фотографите во Рим во понеделникот на 29 мај, кога глумеше во реклама за модната куќа Долче и Габана, пренесува Daily Mail.
Deva Cassel was spotted filming a commercial for Dolce & Gabbana in Rome. pic.twitter.com/ZPNZuzbZ5z
— @21metgala (@21metgala) May 31, 2023
Манекенката, а наскоро и глумица (ќе игра во популарна серија на Нетфликс), позираше во црн мини фустан од тантела, кожени сандали со логото на брендот и црна чантичка во рацете на познатата римска фонтана Треви.
Monica Bellucci’s lookalike daughter Deva Cassel stuns in black lace dress as she films a commercial https://t.co/OBqFhiCuJG pic.twitter.com/3oBvgV27kN
— Daily Mail US (@DailyMail) May 30, 2023
Дева Касел соработува со Долче&Габана веќе неколку години откако потпиша договор со брендот во 2019 година, глумејќи во реклама за еден од парфемите на брендот. Нејзината мајка пак, глумицата Моника Белучи е исто така долгогодишна соработничка на популарниот италијански бренд и дел од бројни нивни кампањи.
Во септември 2022 година, Дева прошета по пистата на ревијата на брендот за време на модната недела во Милано и го покажа истиот фустан од тантела што го носеше на снимањето во Рим.
Во февруари 2023 година, 18-годишната ќерка на актерите повторно се појави меѓу моделите на ревијата на Долче и Габана – овој пат таа излезе во црн проѕирен фустан од тул.
Конечно, во април 2023 година, Дева Касел глуми во реклама за нов мирис од Долче и Габана – Долче Виолет.
