Манекенката и телевизиска водителка Данијела Димитровска ги загрижи своите следбеници откако на социјалните мрежи објави фотографии и видеа на кои се гледаат подливи и модринки на нејзиниот врат. Како што објасни, станува збор за последица од естетски третман за подмладување.
Данијела им се обрати директно на загрижените обожаватели преку Инстаграм и појасни како настанале модринките.
– Не сум се тепала со никого, ниту пак ме давел некој. Станува збор за третман што ми го правеше доктор. Кој сака ваков врат – повелете! Се шегувам, едноставно имам малку почувствителна кожа и затоа вака реагирам – искрено раскажа таа.
Манекенката не крие дека редовно посетува различни третмани за разубавување и подмладување, иако, како што признава, понекогаш тие можат да имаат и несакани последици.
– Гледам дека многумина од вас се загрижија поради модринките на вратот и ви благодарам за тоа. Не се грижете, станува збор за анти-ејџ третман. Мој пропуст е што можеби не го објаснив тоа синоќа – напиша Данијела под видеото во кое јавно ги покажа трагите од третманот.
Со оваа објава таа ги смири своите следбеници и порача дека нема место за паника, бидејќи станува збор само за привремена реакција на кожата.
