Македонскиот виртуоз на хармоника и композитор Горан Алачки сподели ретка фотографија од своето детство, направена пред повеќе од пет децении во Белград.
На црно-белата фотографија од 1969 година, Алачки е мало момче и позира покрај својот татко Благој Алачки и нивниот семеен автомобил „НСУ Принц“.
Фотографијата е направена на Авала, познатото излетничко место во близина на Белград.
„Со татко ми Благој Алачки и нашиот НСУ Принц… 1969 Белград, Авала…“, напиша Алачки во описот на фотографијата објавена на Фејсбук.
Алачки е роден во Пожаревац, но неговото семејство по таткова линија потекнува од Владимирово, место со кое музичарот низ годините повеќепати ја истакнувал својата силна поврзаност.
Неговиот татко Благој е роден во Владимирово, а оттаму потекнува и презимето Алачки.
Токму во Владимирово, Алачки го изгради Културниот центар „Алачки“, а неговото име е поврзано и со „Фолк фест Владимирово“, фестивал посветен на македонската народна музика.
(Фото) Горан Алачки раскажа емотивна приказна за ќерката Грациела
