Пејачот Дадо Полумента и неговата сопруга Ивона, која е 11 години помлада од него, го очекуваат своето трето дете – син.
Двојката го откри полот на бебето на популарен начин – преку торта чиј фил беше во сина боја, која ја споделија со своите ќерки и семејството во домот.
Дадо и Ивона го опишаа настанот како скромен и семеен, полн со љубов и прегратки, благодарение на „најдобрата тетка“ која го подготвила изненадувањето.
„Скромно, семејно, во домот на нашите најблиски и полн со љубов и прегратки, дознавме најубавата вест. Благодарение на најдобрата тетка, која го направи ова прекрасно изненадување, го дознавме полот на нашето бебе. И конечно, најмногу од сè – благодарни на Бога за секој подарок, секој чекор и сè што доаѓа“, напишаа тие.
