Вчеравечер во хотелот Fairmont Century Plaza во Калифорнија се одржа 29-тото доделување на Screen Actors Guild Awards. Крцкаше од луксузни креации црвениот тепих – ѕвездите блескаа не само во новите колекции, туку и во ретро (па дури и рециклирани!) фустани.
View this post on Instagram
Во текот на последните модни недели во модните метрополи низ светот сфативме дека оваа и следната сезона во тренд се цветните принтови и воопшто цвеќињата како апликации на облеката. Тоа го потврди и Зендаја – кралицата на вечерта на синоќешното доделување на престижните SAG Awards.
Ѕвездата на Euphoria го украде центарот на вниманието појавувајќи се во цветен фустан на Валентино во нежно розова боја. Оваа боја, инаку, ќе биде една од најбараните за сезоната лето 2023 година.
View this post on Instagram
Џена Ортега, која стана светска славна личност по објавувањето на серијата „Среда“, се потпре на црното и асиметријата.
Таа избра многу интересен фустан. Сепак, на многу корисници на социјалните мржи не им се допадна нејзиниот моден избор најмногу поради сјајниот материјал, кој изгледаше збрчкано.
View this post on Instagram
Аманда Сејфрид се одлучи за минималистички зелен фустан на Прада. Оваа должина во последно време не ја гледаме често на црвениот тепих, но дефинитивно ни се допаѓа оваа варијација.
View this post on Instagram
Инаку, нијасната која ја носеше Аманда одлични би изгледала на Џесика Честејн. Комбинацијата на зелена облека со црвената коса на актерката секогаш изгледа одлично. Но, таа сепак, одлучи да даде предност на розов макси фустан со спуштени раменици и акцент на половината.
За црна модна комбинација се одлучи кралицата на рециклирањето, Кејт Бланшет, која ја канализираше својата внатрешна Кетрин Хепберн благодарение на секси фустанот од Armani Privé, со тантела и светки кои веќе ги носеше во 2016 година.
View this post on Instagram
Ѕвездата на White Lotus, Џенифер Кулиџ, беше многу елегантна во темен фустан и со соодветна лента во косата, изгледа инспирирана од друга голема филмска дива: Брижит Бардо.
Jennifer Coolidge channels Brigitte Bardot at SAG Awards 2023 https://t.co/JuPlxhW70x pic.twitter.com/H1lu35whRL
— Page Six (@PageSix) February 27, 2023
