Кралот Чарлс III од Велика Британија на својот помлад брат принцот Едвард, гроф од Весекс му подари нова титула за неговиот роденден, известува Бакингемската палата.
View this post on Instagram
Во петокот, на 10 март, третиот син на Елизабета Втора – принцот Едвард, грофот од Весекс – наполни 59 години.
По повод празникот, Чарлс Трети на својот помлад брат и неговата сопруга Софи им ги подари титулите војвода и војвотка од Единбург.
„Новиот војвода и војвотката од Единбург се горди што ја продолжуваат работата на принцот Филип за зајакнување на младите луѓе од сите потекла да го искористат својот целосен потенцијал“, се вели во соопштението на Бакингемската палата.
View this post on Instagram
На 20 ноември 1947 година, титулата војвода од Единбург ја добил сопругот на Елизабета II, Филип. Нему му припаѓаше до неговата смрт на 9 април 2021 година.
Претходно, беше објавено дека децата на принцот Хари и Меган Маркл – тригодишниот Арчи и едногодишната Лилибет ги добиле титулите принц и принцеза.
